ផ្ទះទឹកឃ្មុំ ​ចិញ្ចឹមតាមបែបធម្មជាតិ មានរស់ជាតិមិនចាញ់ ទឹកឃ្មុំព្រៃនោះទេ

0
79

ភ្នំពេញៈ

ដោយ៖ សេង ស៊ីដារ៉ូ

ទឹកឃ្មុំព្រៃ ឬទឹកឃ្មុំចិញ្ចឹមតាមបែបធម្មជាតិ ក៏មានរស់ជាតិឈ្ងុយឆ្ងាញ់ មិនចាញ់ទឹកឃ្មុំព្រៃ ប៉ុន្មានដែរ។ ពីព្រោះឃ្មុំ​ចិញ្ចឹម ក៏ទទួលបានការក្រេបលំអងផ្ការផ្សេងៗ ជាច្រើន ដូចឃ្មុំព្រៃដែរ ហើយនិយាយពីគុណភាពទឹកឃ្មុំព្រៃ មានរស់ជាតិប្រហែល​ ៩៥% ចំណែកទឹកឃ្មុំចិញ្ចឹម គឺ៨៥% វាមិនខុសគ្នាឆ្ងាយនោះទេ។

អ្នកស្រី សេង យី ម្ចាស់កសិដ្ឋានចិញ្ចឹមឃ្មុំធម្មជាតិកម្ពុជា បានឲ្យដឹងថា ផ្ទះទឹកឃ្មុំធម្មជាតិនេះ បានបង្កើតឡើងក្នុង​គោលបំណងចូលរួមអភិរក្សឃ្មុំ និងនៅក្នុងការលើកស្ទួយផលិតផលខ្មែរ ក្នុងស្រុករបស់យើងផង។ បើនិយាយទៅ​ដល់ទឹកឃ្មុំព្រៃ គឺសម្បូរជាតិហ្គាសច្រើនជាងឃ្មុំចិញ្ចឹមបន្តិច អាស្រ័យដោយសារសត្វឃ្មុំក្នុងព្រៃ បានក្រេបលំអងផ្កា​ផ្សេងៗ បានច្រើន ដែលខុសពីឃ្មុំចិញ្ចឹមទទួលបានការក្រេបលំអងផ្កាតិចជាង ដោយក្នុងនោះបើពិនិត្យទៅដល់ គុណភាព និងប្រសិទ្ធភាពរបស់ទឹកឃ្មុំព្រៃ មាន៩៥% ចំពោះទឹកឃ្មុំចិញ្ចឹមមានចន្លោះ៨៥% ខុសពីគ្នា ៥%ទៅ៨% ប៉ុណ្ណោះ។

ផ្ទះទឹកឃ្មុំធម្មជាតិកម្ពុជា មានដាក់លក់ទឹកឃ្មុំចិញ្ចឹម ដែលមានតម្លៃក្នុង១លីត្រ ២០$ ថ្នាំគ្រាប់សូនពីទឹកឃ្មុំ ១០០​គ្រាប់តម្លៃ១០$ គឺជាប្រភេទថ្នាំគ្រាប់សូនជាមួយទឹកឃ្មុំលាយជាមួយរមៀត និងទឹកឃ្មុំលាយជាមួយចេកណាំវ៉ា ដែល​ផ្តល់នូវអត្ថប្រយោជន៍ ជួយព្យាបាលជម្ងឺក្រពះពោះវៀន បានយ៉ាងស័កសិទ្ធិតាមបែបខ្មែរបុរាណ។ ផ្ទះទឹកឃ្មុំធម្មជាតិ កម្ពុជា​មានអាស័យដ្ឋានស្ថិតនៅបណ្តោយផ្លូវសឡា ខណ្ឌសែនសុខ រាជធានីភ្នំពេញ៕

 

ទុក​ឱ្យ​ឆ្លើយ​តប​មួយ

Please enter your comment!
Please enter your name here